Emnet DIGI616 Introduksjon til digital medisin gir deg ei grunnleggjande forståing av korleis digitalisering av helsesektoren forvandlar det medisinske feltet.
Om emnet
Du vil bli introdusert for fagfeltet medisinsk informatikk, med fokus på fordelar og utfordringar ved å bruke digital teknologi i helsevesenet gjennom heile livsløpet til mennesket. Du skal få lære om mellom anna telemedisin, bèrbar teknologi, kunstig intelligens i helsevesenet og elektroniske pasientjournalar, samt ein skal sjå på fleire reelle casestudiar.
Sentrale tema:
- Digitale verktøy og teknologiar i moderne helsevesen.
- Dataanalyse og kunstig intelligens i medisinsk forsking og praksis.
- Etiske og juridiske aspekt ved digital medisin.
- Praktisk bruk av digital teknologi i klinisk arbeid.
Praktisk informasjon og gjennomføring
- Studiestart: Ca. 15. oktober 2025
- Merk: Dette emnet vert undervist på engelsk
- Organisering: Emnet er 100% nettbasert og går over ein periode på 8 veker fordelt på seks modular.
- Innhald: All undervisning og oppgåveløysing føregår på UiBs digitale læringsplattform Mitt UiB, som du får tilgang til når du er tatt opp som student.Tekst, digitale førelesingar, podkastar og oppgåver (inkl. quiz og ei praktisk oppgåve i faktasjekking).
- Vurdering: Ingen eksamen. Du får 2,5 studiepoeng ved å bestå moduloppgåvene.
- Oppstartsmøtet er ikkje obligatorisk, og blir tilgjengeleg som opptak for dei som ikkje kan delta.
- Pris: Ein betalar kun semesteravgift på kr. 650,-
Påmelding: Som partnar av UiB tilbyr HVK Studiesenter førehandspåmelding til vårt nettverk frå og med 15. mai. Her er det begrensa plassar. Påmelding for ålmenta opnar 2. juni.