Språkteknologi fokuserer på å utvikla metodar for automatisk handsaming av menneskeleg språk. Fagfeltet har revolusjonert korleis me kommuniserer med datamaskinar – frå å forbetre kundeservice med samtalebotar til å analysere sosiale medium for å forstå trendar. Språkteknologi har vore, og kjem til å fortsetja å vera ein uunnverleg del av moderne teknologi.
Om emnet
Dette emnet gir deg ei unik moglegheit til å forstå dei grunnleggjande prinsippa og teknikkane bak språkteknologi. Uansett bakgrunn vil denne kunnskapen gi deg verktøya du treng for å forstå og nytte språkteknologi i kvardagen din.
Gjennom praktiske døme og lettfattelege forklaringar vil du læra om:
- Utviklinga av språkteknologi fram til i dag
- Grunnleggjande omgrep og teknikkar i språkteknologi
- Praktiske bruksområde for språkteknologi
- Korleis språkteknologiske modellar blir trena
- Avanserte konsept innan språkmodellering
- Etiske utfordringar knytt til språkteknologi
Praktisk informasjon og gjennomføring
- Oppstart: Tysdag 21. oktober 2025
- Varigheit: Åtte veker
- Undervisningsform: Digitale førelesingar og oppgåveløysing via UiBs digitale læringsplattform Mitt UiB.
- Avsluttande fysisk samling: Me inviterer til ei valfri samling på UiBs campus tysdag 25. november 2025 for dei som ynskjer og har moglegheit til å delta. Deltaking på den fysiske samlinga er ikkje obligatorisk, men eit ekstratilbod. Nærare informasjon om tid og stad for samlinga, samt påmelding, blir gitt etter oppstart.
- Vurdering: Vurderinga er mappevurdering. Dette betyr at du skal levera ei digital mappe med 4–8 oppgåver, som alle må vera fullførte og godkjende innan ein fastsett frist. Siste frist for å få alle oppgåvene godkjende blir opplyst etter oppstart av emnet.
- Pris: Ein betalar kun semesteravgift på kr. 650,-
Påmelding: Som partnar av UiB tilbyr HVK Studiesenter førehandspåmelding til vårt nettverk frå og med 15. mai. Her er det begrensa plassar. Påmelding for ålmenta opnar 2. juni.