Barn og unge si psykiske helse

Barn og unge si psykiske helse er eit av dei viktigaste satsingsområda i tida framover. Denne fagskuleutdanninga gir deg kompetanse til å forstå, førebyggje og møte psykiske utfordringar og åtferd som krev merksemd, i barnehage, skule og andre tenester for barn og unge.

Varigheit:2 år

Utdanningsform: Deltid, nett- og samlingsbasert

Studiepoeng: Studiepoeng: 60. Fagskulegrad (kan takast som enkeltemne à 15 studiepoeng)

Neste oppstart: Haust 2026

Studieplan:

• Barn og unge si psykiske helse

Studiestad: Bergen

Vidareutdanninga Barn og unge si psykiske helse gir ei brei og oppdatert forståing av psykisk helsearbeid retta mot barn og unge. Gjennom studiet får du innsikt i psykiske lidingar hos barn og ungdom, utviklingspsykologi, førebyggjande og helsefremjande arbeid, tverrfagleg samarbeid, samtaleverktøy i relasjonelt miljøarbeid og korleis ein kan arbeide med det psykososiale miljøet rundt barn og unge.

Eit sentralt tema i studiet er korleis ein kan forstå og møte barn og unge som har åtferd som utfordrar, og korleis ein kan fremje tryggleik, meistring og utvikling gjennom relasjonsbygging og målretta miljøarbeid.

Studiet er praksisnært og legg vekt på refleksjon, etikk og relasjonskompetanse i møte med barn, unge og deira familiar.

Oppbygging og arbeidsmåtar

Studiet består av fire emne à 15 studiepoeng, som samla gir 60 studiepoeng. Det er eit deltidsstudium over to år, og blir gjennomført nettbasert med samlingar.
Det er høve til å ta einskildemna kvar for seg. Arbeidsmåtane vil variere mellom digitale førelesingar, grupperefleksjonar, oppgåver, praksisnære case, workshop og rettleiing og erfaringsdeling med meir.

Les meir om studieplan og opptakskrav her