In english: MTE105 KI i helsetenesta

For legar, sjukepleiarar, leiarar og andre i helse- og omsorgssektoren som skal utvikle, vurdere, kjøpe inn eller ta i bruk KI-verktøy.

Fakta

Studiepoeng: 5

Nivå: Bachelor

Undervisningsform: Nettbasert

Undervisningsspråk: Engelsk

Neste oppstart: Hausten 2026 (eksakt dato kjem hjå UiS sine nettsider)

Søknadsfrist: 1. september 2026

Pris: Ingen studieavgift, berre semesteravgift (ca. 900 kr)

Arbeidsformer

Digitale forelesingar og oppgåver. Emnet er sjølvstyrt i eige tempo, og alt innhald er tilgjengeleg frå første dag. Innhaldet er delt opp i korte videoar.

Eksamen

Løpande vurdering i to delar, begge må vere bestått:

• Presentasjon (vekt 1/2): eit videoopptak på 10 minutt, levert midt i semesteret. Du kan bruke mobil, PC eller nettbrett – ingen krav til redigering.
• Rapport (vekt 1/2): leverast mot slutten av semesteret.

Alle hjelpemiddel er tillatne, og begge delane kan skrivast på norsk eller engelsk. Bestått / ikkje bestått. Det finst ikkje kontinuasjonseksamen – stryk du, må du ta emnet på nytt.

Opptakskrav

Generell studiekompetanse. Ingen forkunnskapar.

Om emnet

Emnet gir ei innføring i korleis KI-system blir utvikla, og kva du bør sjå etter når du skaffar eller vurderer eit KI-system til klinisk bruk. Du får oversikt over regelverket, mellom anna EU si AI-forordning (AI Act), CE-merking og FDA-krav.

Du lærer skilnaden på generativ KI, maskinlæring og djup læring, og du får omgrep som tryggleik, pålitelegheit, yting og nytteverdi sett i samanheng med helsetenesta. Emnet kombinerer teori med døme frå reell klinisk praksis og interaktive øvingar. I både midtvegs- og sluttvurderinga skal du vurdere KI-system som er relevante for din eigen arbeidsplass.

Emneansvarleg er Alvaro Fernandez Quilez, førsteamanuensis ved UiS.

Les meir om emnet her