RIS105 Introduksjon til risikofag

Kva er risiko eigentleg, og korleis vurderer og kommuniserer du han? Eit emne for deg som tek avgjerder med konsekvensar.

Fakta

Studiepoeng: 5

Nivå: Bachelor

Undervisningsform: Nettbasert

Undervisningsspråk: Norsk

Neste oppstart: Hausten 2026 (eksakt dato kjem hjå UiS)

Søknadsfrist: 1. september 2026

Pris: Ingen studieavgift, berre semesteravgift (ca. 900 kr)

Arbeidsformer

Emnet er digitalt og organisert i modular med fleire korte videoforelesingar. Alt innhaldet er tilgjengeleg frå dag éin.

Eksamen

• Heimeeksamen (fleirvalsoppgåver), 1 time, vekt 1/1
• Alle hjelpemiddel
• Bestått / ikkje bestått

Opptakskrav

Generell studiekompetanse. Ingen forkunnskapar.

Om emnet

Emnet gir ei innføring i grunnleggjande idear og definisjonar innan risikofaget: korleis vi tenkjer om og skildrar risiko, korleis vi vurderer risiko når vi skal ta avgjerder, korleis risiko blir oppfatta og bør kommuniserast, og korleis han kan handterast.

Du får innsikt gjennom døme frå fleire område – klimarisiko, miljørisiko, terrorisme, romfartsverksemd og pandemihandtering. Sentrale omgrep er risiko, uvisse, sannsyn, robustheit, resiliens og føre-var-prinsippet. Emnet tek òg opp etiske og samfunnsmessige sider ved risiko, og korleis risiko påverkar beslutningsprosessar.

Emneansvarleg er Roger Flage, professor ved Institutt for sikkerheit, økonomi og planlegging, UiS.

Les meir om emnet her