Skapande samspel med KI

Korleis kan KI bli ein kreativ medspelar, og ikkje berre ein snarveg? Eit emne for deg som jobbar med kreative og estetiske fag.

Fakta

Studiepoeng: 7,5

Nivå: Vidareutdanning på bachelornivå

Undervisningsform: Nettbasert, på kveldstid

Neste oppstart: 20. januar 2027

Søknadsfrist: 1. desember 2026

Pris: Ingen studieavgift, berre semesteravgift

Arbeidsformer

Emnet består av seks digitale workshopar à to timar, kl. 19–21:

• 20. januar
• 3. og 17. februar
• 17. og 31. mars
• 14. april

Du må delta på minst 80 prosent av samlingane. Mellom samlingane jobbar du med praktiske eksperiment, refleksjonsoppgåver og deloppgåver, og du diskuterer med medstudentar frå andre fagfelt.

Eksamen

Vert oppdatert i emneplanen KUN812

Opptakskrav

Generell studiekompetanse.

Om emnet

Du utforskar korleis KI kan brukast i skapande prosessar, både i teori og praksis. Du lærer å lage og teste promptar for ulike uttrykksformer, og du ser kritisk på verktøya.

Emnet tek også opp dei estetiske, etiske og samfunnsmessige spørsmåla KI reiser: Kva gjer verktøya med kreativiteten, og kva bør du tenkje på når du tek dei i bruk?

Passar for deg som er lærar i kreative fag, kunstnar, designar eller formidlar.

Studiet er nettbasert, så du kan ta det heimanfrå. Vil du heller sitje saman med andre studentar, har vi studentstover i Voss, Øystese, Eidfjord, Ulvik, Odda og Husnes.

Les meir om studiet her

Spørsmål?

Fyll ut skjema eller kontakt oss på post@hvkstudiesenter.no, så svarar vi deg så fort vi kan!