SPLA629 Latinamerikansk historie

Kvifor ser Latin-Amerika ut som det gjer i dag? Lær historia bak – på spansk og på kveldstid.

Fakta

Studiepoeng: 10

Nivå: Bachelor

Undervisningsform: Nettbasert, på kveldstid

Undervisningsspråk: Spansk

Neste oppstart: 26. januar 2027

Søknadsfrist: Løpande opptak så lenge det er ledige plassar

Pris: Ingen studieavgift, berre semesteravgift (650 kr)

Arbeidsformer

Digital undervisning tysdag kl. 18.00–19.30 og torsdag kl. 19.00–20.30, i 8–10 veker. Første undervisningsdag er tysdag 26. januar, siste er torsdag 22. april. All undervisning går på spansk.

Undervegs lagar du ein podkast, åleine eller saman med ein medstudent, og skriv ei oppgåve på 750–1000 ord på spansk.

Eksamen

• Skriftleg skuleeksamen i Bergen, fem timar, på spansk
• Karakter A–F

Opptakskrav

Generell studiekompetanse. Er du 25 år eller eldre, kan du òg bli teken opp på realkompetanse.

Det er ingen formelle krav til spanskkunnskapar, men sidan all undervisning går på spansk, bør du ha eit visst nivå. [SJEKK: UiB tilrår anten A2 eller B1.]

Om emnet

Emnet gir eit oversyn over viktige hendingar og utviklingstrekk i latinamerikansk historie, med notida som utgangspunkt. Du får innsikt i politikk, økonomi og samfunn frå før kolonitida og fram til i dag, og du lærer å sjå dei historiske årsakene bak dagens samfunnsspørsmål.

Tek du SPLA627, SPLA628 og SPLA629 same semester, har du 30 studiepoeng i spansk. Ifølgje UiB er det minstekravet for å undervise i spansk på ungdomstrinnet (i tillegg til pedagogisk utdanning). Du betaler berre éi semesteravgift, same kor mange emne du tek.

Studiet er nettbasert, så du kan ta det heimanfrå. Vil du heller sitje saman med andre studentar, har vi studentstover i Voss, Øystese, Eidfjord, Ulvik, Odda og Husnes.

Les meir om emnet her

Spørsmål?

Fyll ut skjema eller kontakt oss på post@hvkstudiesenter.no, så svarar vi deg så fort vi kan!