Anlegg- Voss

Med denne utdanninga får du kompetanse til å berekne, planlegge og koordinere produksjon, innkjøp  og personressursar for anleggsarbeid. Anleggsutdanninga omfattar også landmåling/geomatikk, kommunalteknikk, anbod og kalkulasjon, geoteknikk, fjellarbeid, anleggsdrift og prosjektstyring.

Som fagskuleingeniør med fordjuping i anlegg kan du søke på stillingar som entreprenør, konsulent, anleggsleiar, oppsynsmann og kontrollør, kommuneteknikar, stikningsteknikar, eller starte eiga bedrift.

Saman med praktisk-pedagogisk utdanning, kan du også søke på stillingar som faglærar.

Utdanninga består av åtte emne, inkludert hovudprosjekt.

Studiet er på 120 studiepoeng og gjennomføringsmodellen er slik:

• Tre år på deltid, nettbasert med samlingar på Voss.
  • Det er tre obligatoriske samlingar kvart semester på Voss.
  • Kvar samling varer ei veke med 40 undervisningstimar.

Mellom samlingane er det nettbasert undervisning og rettleiing.

Les meir om utdanninga og opptakskrav her: https://www.fagskulen.no/utdanning/bygg-og-anlegg/anlegg-voss/