Fagskulen Vestland
|
Nettbasert
Cybersikkerheit i industrien: Operatøren si rolle
Søknadsfrist
12. January 2027
Oppstart
2. February 2027
Studiepoeng
5
Deltid
Emnet gir deg som operatør grunnleggande og praksisnær forståing for trusselbildet innan cybersikkerheit, med særleg vekt på menneskelege faktorar, nasjonale rammeverk og korleis ny teknologi påverkar sikkerheita i industri og samfunnskritisk infrastruktur.
Varigheit: 2 månader
Utdanningsform: Deltid, nettbasert
Studiepoeng: 5
Søknadsfrist: 12. januar 2027
Neste oppstart: 2. februar
Studieplan: Emneplan
Kostnad: Utdanninga er gratis
Oppbygging og arbeidsmåtar
Emnet er nettbasert med digitale samlingar. I tillegg til deltaking på samlingar, er det forventa at det blir arbeidd med læringsaktivitetar og obligatoriske læringskrav.
Mellom samlingane er det både eigenstudium og lærarstyrte aktivitetar, både synkrone og asynkrone.
Undervisninga legg opp til erfaringsbasert læring med praktiske prosjektbaserte oppgåver.
Det er to obligatoriske arbeidskrav.
Vurdering
Mappevurdering som består av prosjektrapport og videopresentasjon. Det skal vere mogleg å identifisere den enkelte studenten sitt bidrag.
Mappa vert vurdert med Bestått/Ikkje bestått.
Kompetanse og jobbmoglegheiter
Emnet gir operatørar grunnleggande og praksisnær forståing for trusselbildet innan cybersikkerheit, med særleg vekt på menneskelege faktorar, nasjonale rammeverk og korleis ny teknologi påverkar sikkerheita i industri og samfunnskritisk infrastruktur.
Emnet ser særskilt på operatøren si rolle i det totale sikkerheitsbildet og fokuserer på digital dømmekraft, sikkerheitskultur og etterleving av etablerte sikkerheitsprinsipp. Det blir lagt vekt på korleis kunstig intelligens (KI) blir brukt i moderne påverknadsoperasjonar, og korleis sosial manipulering kan utnytte både menneskeleg åtferd og fysiske sårbarheiter i produksjonsmiljø.
Målet er å styrke studenten si evne til å identifisere risiko, kjenne igjen truslar og handle korrekt i kvardagen for å førebygge og avgrense konsekvensane av cyberhendingar.
Innhald i emnet:
- Gjennomgang av retningslinjene til Nasjonal sikkerhetsmyndighet (NSM) og aktuelle trusselrapportar frå Norsk senter for informasjonssikring (NorSIS).
- Mennesket i systemet: Sosial manipulering, digital dømmekraft og sikkerheitskultur.
- KI-driven påverknad: Korleis angriparar brukar KI til deepfakes og avansert phishing 2.0.
- Identifisering av sårbarheiter i kontrollsystem og operasjonell teknologi (OT).
Opptak
Du kan søke studieplass dersom du har dokumentasjon på relevant fagbrev eller realkompetanse.
Realkompetanse
Dersom du er 23 år og har relevant erfaring, kan du søke om opptak med realkompetanse.
Det er viktig at du sender med dokumentasjon på relevant praksis og erfaring.
Spørsmål?
Fyll ut skjema eller kontakt oss på post@hvkstudiesenter.no og me svarar deg så fort me kan!