Energieffektivisering og automasjon i bygg

Studiet Energieffektivisering og automasjon i bygg er ei nettbasert fagskuleutdanning på 40 studiepoeng som går over halvanna år. Målet er å gi fagfolk kompetanse til å redusere energibruk i bygg gjennom forståing av energiflyt, tekniske anlegg og byggautomasjon, utan at det går på kostnad av inneklima og stabil drift.

Varigheit: 1,5 år

Utdanningsform: Deltid, nettbasert / Førde

Studiepoeng: 40

Søknadsfrist: 15. april 2026

Neste oppstart: Hausten 2026

Studieplan: Energieffektivisering og automasjon i bygg

Studiestad: Førde

Utdanninga er på 40 studiepoeng, noko som svarer til 3/4 år på fulltid. Studiet går over eitt og eit halvt år på deltid, og er nettbasert med digitale samlingar. Det er ni samlingar første studieåret og tre det andre året, kvar samling går over to til tre dagar. Undervisninga er på dagtid.

Undervisninga varierer mellom førelesingar, prosjektarbeid, gruppearbeid, rettleiing og individuelle arbeidsoppgåver. Vurdering skjer gjennom obligatoriske læringsaktivitetar og mappevurdering i dei ulike emna.

Studiet er bygd opp av fleire emne fordelte over to studieår. Det første året gir ei innføring i bygningsfysikk med energirådgjeving, energibruk i bygg samt elektro og automatisering. Det andre året byggjer vidare på denne kompetansen gjennom emne innan tilstandskartlegging og vedlikehaldsplanlegging av bygg, samt byggautomasjon og integrasjon.

Les meir om utdanninga her