Dette nettbaserte studiet gir deg praktisk og teoretisk innsikt i korleis du som bas og lagleiar kan bidra til auka produktivitet og betre samhandling på byggeplassen. Du lærer effektive planleggingsmetodar, leiingsverktøy og samhandlingsstrategiar som bidreg til optimal ressursutnytting og framdrift i byggjeprosjekt.
Varigheit: 8 veker
Utdanningsform: Deltid, nettbasert
Studiepoeng: 5
Søknadsfrist:15. februar 2026
Neste oppstart: 3. mars 2026
Studieplan: 64TB00A Leiing og produktivitet for bas og lagleiar i bygg- og anleggsbransjen
Studiestad: Førde
Kunnskap
Kandidaten
- har kunnskap om korleis leiing påverkar produktivitet, framdrift og trivsel på byggjeplassen
- kjenner til prosessar og verktøy knytt til framdriftsplanlegging på ulike nivå (hovudplan, 4-vekersplan, leveranse- og riggplan)
- har innsikt i logistikk og ressursstyring for å unngå flaskehalsar, og kjenner til korleis dette påverkar prosjektøkonomi og HMS
- kjenner til krav til HMS, kvalitet og dokumentasjon (t.d. SJA, RUH, vernerunder, KS-system, risikoanalyse, arbeid i høgda, stillas)
- har kunnskap om digital byggeplass og bruk av verktøy som BIM, IFC og databasar for planlegging og kommunikasjon
- kjenner til bransjen si historie, tradisjonar og eigenart, og forstår rollene i prosjektorganisasjonen og deira ansvar
- har innsikt i eigne utviklingsmoglegheiter som formann eller byggeplassleiar
Ferdigheiter
Kandidaten
- kan utarbeide, oppdatere og bruke hovudplan, 4-vekersplan, leveranse- og riggplan som styringsverktøy
- kan fordele oppgåver, følgje opp underentreprenørar og leverandørar, og samordne aktivitetar på byggjeplassen
- kan gjennomføre, dokumentere og vurdere HMS- og KS-arbeid i tråd med gjeldande normer og krav
- kan bruke digitale verktøy for planlegging, oppfølging, kommunikasjon og dokumentasjon
- kan bruke prinsipp for logistikk og riggplanlegging til å sikre effektiv og trygg drift på byggjeplassen.
Generell kompetanse
Kandidaten
- kan planlegge og gjennomføre yrkesretta oppgåver og prosjekt frå oppstart til ferdigstilling, med vekt på kvalitet, økonomi, HMT og framdrift
- forstår korleis formenn og byggeplassleiarar bidreg til produktivitet, arbeidsmiljø og organisasjonsutvikling
- forstår forskjellen mellom utførings- og totalentreprise, og kjenner varslingsrutinane i gjeldande kontraktsstandard.
Les meir om utdanninga her