Matkultur

Varigheit: 3 år

Utdanningsform: Deltid, nett – og samlingsbasert

Studiepoeng:120, høgare fagskulegrad

Studiestad: Hjeltnes

Lokal gastronomi

Kjerna i utdanninga er kunnskap om matkvalitet, matproduksjon, matkultur og mattradisjon. Du får opplæring i lokal matkultur og brei kunnskap om kulturarven til det nordiske kjøkkenet.

Utdanninga passar spesielt godt for deg som er interessert i matfag og som vil ha meir formell kompetanse.

Etter ferdig utdanning skal du ha eit godt grunnlag for å etablere og drive ei berekraftig matbedrift, ha leiande stillingar for serveringsstader, produksjonsbedrifter, reiselivsbedrifter eller daglegvarebransjen.

Andre aktuelle arbeidsfelt kan vere innan matfagleg rådgjevingsteneste, varedistribusjon, matjournalistikk eller som lærar innan matfag.

Samlingsveker 2026-2027: 

(tysdag–torsdag):

Veke 34, 45, 7 og 15 

Oppbygging og arbeidsmåtar

Utdanninga er på 120 studiepoeng, som svarar til 2 år på fulltid. Lokal matkultur er eit deltidsbasert nettstudie som går over 3 skuleår. Det blir 6 samlingar kvart skuleår, i tillegg til nettundervisning mellom samlingane og 4 veker praksis. Samlingsvekene på skule er mandag – torsdag og vil innehalde praksis, bedriftsbesøk og demonstrasjonar.

Opptak

Du kan søke studieplass dersom du har dokumentasjon på

• Generell studiekompetanse (Studieforberedende)

• Fullført og bestått vidaregåande opplæring med relevant fagbrev i
  • bakar
  • butikkslaktar
  • industriell matproduksjon
  • institusjonskokk
  • kjøttskjærar
  • kokk
  • konditor
  • pølsemakar
  • servitør
  • sjømathandlar
  • sjømatproduksjon
  • slaktar

eller

• Realkompetanse

Manglar du fagbrev eller generell studiekompetanse , men har fyllt 23 år og har relevant erfaring, då kan du søke om opptak med realkompetanse.

Les meir her