Fagskolen Diakonova

|

Nettbasert

Mentor i helsetenesta

Søknadsfrist

1. February 2027

Oppstart

1. February 2027

Studiepoeng

10

Deltid

Utdanninga er kort og praksisnær og er utvikla for deg som ønskjer å rettleie og følgje opp nytilsette i helse- og omsorgstenesta. Utdanninga gir deg kompetansen du treng for å bidra til trygg oppstart, fagleg utvikling og auka trivsel på arbeidsplassen.

Fakta

Studiepoeng: 10

Nivå: Fagskule

Undervisningsform: Deltid, nettbasert

Neste oppstart: dato ikkje sett

Varigheit: 10 veker

Søknadsfrist: Dato ikkje sett, meld interesse

Pris: Semesteravgift, 990kr.

Søk på utdanninga

Fagskulen Diakonova oppdaterer med dato når det blir mogleg å søkje. Vil du få beskjed når søknaden opnar?

Meld interesse

Gjennomføring

Utdanninga gir 10 studiepoeng og går over 10 veker med digitale samlingar (2 timar på dagtid og høve til 2 timar med rettleiing etter avtale). Ho passar for fagarbeidarar og tilsette i helse- og omsorgstenesta som ønskjer å ta ei aktiv rolle i opplæringa og utviklinga av kollegaer.

Dette lærer du

Gjennom utdanninga utviklar du ferdigheiter i kommunikasjon, relasjonsbygging, rettleiing og etisk refleksjon. Du lærer korleis du som mentor kan støtte kollegaer, handtere utfordrande situasjonar og bidra til eit godt læringsmiljø. Utdanninga kombinerer teori med praktiske øvingar og tek utgangspunkt i din eigen arbeidskvardag, slik at du kan bruke kunnskapen direkte i praksis.

Tema

Mentoring som metode i helsetenesta
Rolla og ansvaret til mentoren
Kommunikasjon og relasjonsbygging i eit mentorperspektiv
Praktiske verktøy og metodar for mentoring
Etiske perspektiv i mentorrolla og rettleiinga
Mentoring ved motstand og sjølvavgrensing

Kvifor velje Mentor i helsetenesta?

Behovet for systematisk opplæring av mentorar aukar i takt med utfordringane sektorane har med rekruttering, kompetanseutvikling og med å halde på kvalifisert arbeidskraft. Mentorordningar har vist seg å vere eit viktig verkemiddel for å styrkje rekruttering, fagleg utvikling og trivsel blant medarbeidarane i helsetenesta. Med denne kompetansen blir du ein viktig ressurs i arbeidet med å byggje robuste fagmiljø og sikre kvalitet og kontinuitet i tenestene.

Opptakskrav

Opptak til utdanninga skjer på grunnlag av eitt av desse:

Fullført og bestått vidaregåande opplæring i programområdet helse- og oppvekstfag med
fagbrev i aktivitørfaget, ambulansearbeidarfaget, helsearbeidarfaget, omsorgsarbeidarfaget, ortopediteknikkfaget eller portørfaget, eller
vitnemål som aktivitør (1974–1995), apotektekniker, fotterapeut, helsesekretær, hjelpepleiar (1963–2006), hudpleiar eller tannhelsesekretær

Realkompetanse: Søkjarar som er 23 år eller eldre i opptaksåret, kan søkje opptak på bakgrunn av utdanning, ulønt arbeid, organisasjonsarbeid eller liknande. Relevant høgare utdanning, til dømes som sjukepleiar eller vernepleiar, kan kvalifisere for opptak.

Du kan også få vilkårsbunde opptak dersom du kan dokumentere at du skal ta fagprøve eller eksamen i løpet av det første semesteret.

Søkjarar med utanlandsk utdanning

Utdanninga går føre seg på norsk. Søkjarar med utdanning frå land utanfor Norden må dokumentere norskkunnskapar som svarer til Norskprøven, minimum nivå B2 i alle delferdigheiter.

Les meir her

Spørsmål?

Fyll ut skjema eller kontakt oss på post@hvkstudiesenter.no og me svarar deg så fort me kan!