13.-16. mai var representantar frå StudieHub – Nordfjord Studiesenter, HVK Studiesenter og Fagskulen i Vestland på studietur i Sverige. Campus Värnamo er det største studiesenteret i Sverige, og ein spanande samarbeidsaktør.
Turen var ein inspirerande oppleving med jobbskygging av tilsette på Värnamo Campus og Vetlanda Lärcentrum. Jobbskygging er rett og slett ein læringsmetode der ein fyl ein tilsett ein heil dag, for å sjå korleis vedkomande jobbar.
Programmet var tett og bestod av mange aktivitetar der vi mellom anna:
🎓 Utforska ulike utdannings- og karrieremoglegheiter gjennom ei rekkje spennande aktivitetar og møter. Reisa vår byrja med informative omvisingar og møter, inkludert eit utdanningsleiar-møte, samarbeidsmøte i Nitus, og eit kommunalt kurs i presentasjonsteknikk. Dette gav oss innsikt i leiing, samarbeidsformer og viktigheita av effektiv kommunikasjon i ulike settingar der IT og pedagogikk møtest.
🔍 Utforska eit spennande felt innan høgskuleutdanning, som 3D-utskrift, kurs retta mot jobbsøkingsferdigheiter og deltaking i studentrådsmøter. Desse erfaringane har definitivt utvida horisonten vår og gitt verdifull innsikt i framtidige karrieremoglegheiter.
⭐️ Høgdepunktet på turen var gjennomføringa av eit hybridmøte mellom politikarar, kommunedirektør og deltakarar heime i Noreg. Dette demonstrerte den moderne tilnærminga til virtuelle samarbeidsmoglegheiter og nettverksbygging, samtidig som det understreka viktigheita av å kunne navigere i ei stadig meir digitalisert verd.
Jobbskygging har utvilsamt gitt oss ein konkret forståing av korleis teori og praksis møtest i arbeidslivet, og har inspirert oss til å halde fram med å utforske og utvikle oss vidare.
Det vi konkret tek med oss vidare er:
📍 Innovative og pedagogiske tilpassingar, og bruk av IT-teknologi for å sikre kvalitet og auke “nærleiken” mellom deltakarar i hybride undervisningssituasjonar.
📍 Positiv synergieffekt ved samlokalisering av næringsliv, kommunale, fylkeskommunale og statlege tenester – næring, kultur og akademia
📍Yrkesfaglege utdanningar ved studiesentra som var baserte på regionalt næringsliv.
Ein spesiell takk går til Lars-Uno Åkesson for hans eksepsjonelle støtte og rettleiing gjennom heile besøket. Hans innsats har bidrege sterkt til å gjere denne opplevinga både lærerik og minneverdig for oss alle.
Tusen takk til alle involverte og for denne fantastiske moglegheita til å lære og vekse. Vi ser fram til å ta med oss den kunnskapen og innsikta vi har tileigna oss, tilbake til vår fagskule og våre studiesentre i Vestland fylke.
Amanda Bjørneak, Eilert Årseth, Kari Eldby Rygg og Stig Savland
Om Campus Värnamo
Campus Värnamo er det største studiesenteret i Sverige. Oppdraga deira er å bidra til å avdekkja kompetansebehovet til regionen ved å leggja til rette og gjennomføra utdanning og kurs på universitets- og yrkesfagleg nivå. Alle kursa og utdanningane deira er drivne av etterspurnad, og er basert på tett samarbeid mellom næringsliv, akademia og offentleg sektor.
Organisering
Campus Värnamo er ein del av Kommunalforvaltningsadministrasjonen og rapporterer til kommunestyret i Värnamo kommune. Dei held til i ein tidlegare Gummifabrikk, som er ein del av Värnamo kommunes store og spennande vekstsatsing.
Campus Värnamo er delt inn i fire satsingsområde:
• Opplæring
• Bransjesamarbeid
• Kompetanseakademiet
• Teknologisenter
